RAWNGBAWL TURA CHHANDAM (Eph. 2:10)

Rev. H.L. Thianghlima
Pastor i/c Phullen Bial

          Tun lai hian Muslim firfiak pawl ISIS an tih te chuan Kristian te nghaisa-in an that nasa hl> a. British mi leh sa te an tihlum lai video te an tichhuak chuai chuai mai. Internet lamah te Naupang, nula leh tlangvalte an that lai thlal^k an thehdarh a, hmuh a hrehawm hl>. H>ng ho rind^n chuan an chh<ngte thlarau kha favang a lo thlen hian lo tho lehin ril\am takin an leiah an v^kv>l a, chu an thlarau ril\am tihpuar na’n chuan mihring thisen mamawhin an hria a, an chh<ngte thlarau chaw atan Kristiante chungah kut thl^kin an thisen an pe \hin an ti. Abikin Iraq ramah a hluar hl> a, India ramah pawh an inzarpharh m>k ni-a sawi te pawh an awm.

Islam sakhua hmuchhuaktu Muhammed-a lo pian thu leh Islam sakhua a rawn lian chho pawizia sawi na’n hian ta se pathum (3 ifs) an hmang \hin. Pakhatna- Arab rama Kristiante kha thlarau lamah lo tuihnang deuh ta se, Muhammed-a khan anmahniah ei t<r a hmu ang a, Kristian missionary ropui tak a lo ni mai t<r! Pahnihna- Arabic \awngin Bible hi lehlin lo ni ta se, thlarau tuihal in tur zawnga Muhammed-a a vah a vah lai khan Sakhaw lehkhabu a hmuh hmasak ber chu Bible hi a ni dawn a, t<n ang hian Islam sakhua hi a awm lo t<r. Pathumna- Abyssinia-an, AD 570 (Muhammed-a pian kum chiah) kuma Arabia ram a r<n a, Muhammed-a khua, Mecca a beih \um khan zawnghri vei lovin lo la ta se; Arabia ram a la vek ang a, Kristian ramah a siam vek ang.

Ta se pakhatna leh pahnihna hi Kristian hmasa te’n mawhphurhna an hlen loh av^ng leh thlarau nuna an chak loh av^nga thil thleng a ni. Pathumna erawh khi chu khuar>l, Abyssinia chunga thleng a ni a, thiam loh chantir theih a ni ^wm lo ve. Pakhatna leh pahnihnaah erawh chuan a hun laia kohhran leh ringtute chak lohna av^ng a ni tih phat rual a ni lo. Vawiin thlengin kan Kristian puite’n an tuar phah a, khawv>l an ti ral\i a, firfiak pawl hlauhawm tak tak a lo awm ta a nih hi!

H>ng firfiak pawl ch>tna ni kher lo, thlarau nun ril\am av^nga chawlhna zawng, an ril\amna tihtlaia awm si lo te hian inhnangf^kna dang an zawng m>k. Hm^n a\ang tawhin hetiang ho hian an thil zawn tak an hmuh loh av^ngin Pathian a awm lo te an lo ti a. T<n lai thleng pawhin Pathian awm ring lo (Atheist) an awm z>l. Hmana Pathian awm ring lo te kha chuan an mimal-in an ring lo mai a. T<n lai chuan Pathian awm ring lo v> t<rin midang an thl>m a, an campaign m>k. Internet (Facebook, etc.) lamah pawh \an an la nasa hl>.

T<n lai hun harsa tak karah hian engtin nge rawngb^wlna awmze nei leh hl^wk z^wk kan neih ang a, engtin nge ke kan chheh z>l dawn l>? Kan rawngb^wlna kawngah h>ng hi hre reng ila:

Kohna ri hriat chian:

Thuthlung Hluiah chuan Pathianin Zawlneite hmangin emaw, mumang hmangin emaw, aw (voice) in emaw a rawngb^wl t<rin a ko \hin a, t<nlaiah erawh chuan hetiang hi kan dawng hranpa l>m lo. ‘Kohhran aw hi Pathian aw a ni,’ tiin kohhran kaltlanga kohna hi Pathian aw tiin kan ngai a. Vawiin thleng hian hei hi a dikin Pathian pawhin a pawm tih hi a chiang.

Kohhran hmanga kohna hi a sit awm loh va, a n>p lo va, a hlu lo chuang hek lo. Khawngaih rawngb^wl hna thawk t<rin Kohhran ror>lna hmangin Pathianin min ko va, hei hi kohna tling a ni. H> kohna hi Pathian aw-a ngai lo chuan mihring ruatah an inngai a, mihring takin an dawngsawng a, mihring hna angin an thawk \hin. A hre chiangtu erawh chuan Pathian lawm tl^ka rawngb^wl an tum z^wk \hin.

Mahni inhriat chian: Grik \awnga Rawngb^wltu sawina \awngkam chu doulos (d<laws) a ni a, chumi awmzia chu -chhiahhlawh, sal, bawih tihna a ni. Lal Isuan, ‘Tupawh in zinga hmasa ber nih duh apiang chu in chhiahhlawhah a awm bawk t<r a ni,’ (Mat. 20:26) a ti a.

Kan rawngb^wlsak ropui zia leh keini kan t>t si zia en hian tumah hi chapo t<r kan awm lo va, inchhuang thei kan ni hek lo. Nihnaah kan chian loh chuan chanvo it-a beih mai te, dinhmun \ha ni-a kan hriata awm tuma khelh mai te, chapo te, tauh te, inthlahdah te a awl \hin.

Mahni aiin kan rawngb^wl hna a pawimawh:

Rawngb^wltu \henkhat chuan mimal hn^a hrehawm kan tih loh hi rawngb^wl hna a nih chuan hrehawm kan ti mai \hin a; chutiang ti \hin chuan keimahni aiin rawngb^wl hna kan dahhniam a, kan ngain>p tihna a ni. Sanbalata te’n Ono phaia inhmu t<ra Nehemia an sawm khan Nehemia chuan, ‘Hna ropui tak ka thawk a, ka lo chhuk thei lo, engah nge in hn>na ka lo chhuk hl^nin hna chu a chawlh ang?’ (Neh.6:3) a ti a. Paula pawhin, ‘Lalpa Isua hn>n ata rawngb^wl hna ka hmuh kha thawk zo phawt ila, ka nun pawh thl^khlelh tl^kah ka ruat lo ve,’ (Tirh.20:24) a ti bawk. Martin Luthera pawhin, ‘Ka tih t<r ka tih loh av^nga thudikin a tuar ai chuan lu pasarih pawh nei ila ka ch^n vek mai ang,’ a lo ti hial a ni. V^na m^rtar rual s^ng tam takte khi anmahni aia an rawngb^wl hna ngai pawimawh z^wkte an ni ngei ang le!

Chhuanlam siam hi! :

Petera te’n l>n an den hlawhchham hnu kh^n Lal Isuan deng nawn t<rin a ti a. An han den leh chuan Sangha tam tak an man ta. An hlawhtlina an l^wm >m >m lai chuan ch<ng chu kalsana amah zui t<rin Isuan a s^wm tlat mai le! A hlawhtlin lai takin kalsan t<r a nei a, ui t<r leh en zui vawng vawng t<r nei khan Isua an zui a ngai ta tlat mai. Engmah an neih loh lai nise a ziaawm deuh mahna!

Keini pawh chhuanlam t<r leh kalsan t<r kan neih lai tak hi rawngb^wl hn^ \<l hun a ni fo mai. Chutiang hunah chuan chhuanlam siam a awl. Min kotu hian hman chang chang leh peih hun hun, a phurawm lai leh nawm hun chauhva zui t<rin min ko lo va, hrehawm pawisa lova zui t<rin min ko z^wk a ni. Kalsan a tam leh hl^wkna a tam a, kan ch^n tam poh leh kan thawhhl^wk \hin. Kan hla-in, ‘Inp>kna kimah l^wm a kim \h_n,’ a tih kha. A inpe tam apiang an l^wm a, a thawh hnem apiang an lungawi a, kalsan ngah apiang te an hl^wk z^wk.

|henkhatin chhuanlam kan ngah viau lai hian \henkhat chuan chhuanlam an siam lo va. Chhuanlam siam chingte hian harsatna an ngah bikin siam ngai lote hian harsatna an nei lo a ni lova, rawngb^wl hn^a an inp>kna a inchen loh v^ng mai z^wk a ni. Mi inpe lote chhuanlam siam chu mi inp> te tan chhuanlam a tling lo va, mi inpe te kalsan chu mi inpe lote tan chhuanlam lian tak a tling mai z^wk a ni.

Min kotu hriatchian a pawimawh:

A rawngb^wl at^na min kotu Lal Isua hriatchianna tel lo chuan rawngb^wlna hi phurrit a ni hma >m >m. A kotu hrechiang chuan kalsan t<r an ui ngai lo va, an ken t<r an sit lo va, an tawh t<r an huphurh lo va, a kotu rinchhanin an thawk mai a ni.

Lal Isua kan hriat d^nin rawng kan b^wl a, kan rawngb^wl d^n hian amah kan hriatd^n a tarlang a ni. Daniala leh a \hiante pathum kha chuan anmahni kotu leh a rawng an b^wlsak kha an chian >m av^ngin meipui leh sakeibaknei p<k kha harsatna a tling lo. A neitu an chian av^ngin an hmaa hlauhawm av^ngin an chi-ai lo va, thihna an hmachhawn lai pawhin an hnungtawlh lo. A tirtu leh neitu lama \ang nun chu a huai a, a danglam duh tlat loh av^ngin khawv>l danglam \hinah hian a nun a danglam mai \hin a ni.

Rawngbawltu nun, mi te chhiar hlawh: Rawngb^wltu chu a kalna apiangah a nihna sawi lo mah sela a nun d^n, \awngkam leh chetzia an hmuhin mite’n rawngb^wltu an nih an hre thei t<r a ni. Thuhriltu pakhatin th< a sawi laiin an lo bengchheng a, pulpit a\angin a zuk hau va. Mite chuan, ‘Thuhriltu, nangmah kha i bengchheng >m a, i thusawi kan hre thei lo a ni,’ an lo ti a. H>i hian thuhriltu nun a sawifiah hl> ^wm e. Kan nun d^n hian kan rawngb^wlna a chawk chhiain a chawimawi thei a ni.

Vawi khat chu India lal pakhatin Abraham Eapen-a hn>nah, ‘India ramah hian Kristian hi z^ z>lah engz^tnge in awm?’ a ti a. Eapen-a chuan, ‘Ka pu, z^ z>lah pathum v>l kan ni ang,’ a ti a. Lal chuan a chhan a z^wt a, a sawi thei lo va. Lal v>k chuan, ‘Keima’n ka’n hrilh ang che, Kristiante hian in nun zaa pathum chauh Lal Isua in p> a, in nun hi zaa za in p>k hunah chuan India ram hi a pumin in hneh mai ang,’ tiin a sawi.

Ka nun i tan ka pe, eng nge min p>k ngai le? ti-a hla kan sak \hin ang hian kan nun hian thu a hril a, Chanchin |ha bu 5na ti hialin an lo sawi \hin. Kan sawi ai hian kan nun hian mi te thinlungah thu a sawi ring z^wk fo.

Rawngb^wl hna-in nun a keng:

Kan rawngb^wl hnain nun dan t<r at^na min ph<t anga nun tum tlat hi a \ha a, chu ai mah chuan nunin a phu av^nga rawngb^wltu nih hi a hlu z^wk. Rawngb^wltu nun leh a rawngb^wl hna hi a inzawm tlat a, a mal kal thei lo. Petera kha ‘Nang pawh Isua zirtirte zinga mi i ni maw?’ an tih a, ‘Ka ni lo,’ ti-a a chh^n pawh khan, ‘I \awngah pawh a hriat al^wm’ an ti tlat mai a nih kha! Kan insawi fiah f> hn< pawha min la ring thei lo a nih fo hian kan rawngb^wlna hi a chawkchhe fo va, rawngb^wltute pawh sitawmin kan insiam a ni.

Mite chhiar tl^k rawngb^wltu: Lehkhabu \ha tehna chu a chhiartu rilr<ah a ni a. Ph>k khat a chhiar a, ph>k hnihna chhiar leh a ch^k a. Bung khat a zo va, bung hnihna chhiar leh a ch^k \hin. Rawngb^wltu chu lehkhabu \ha ang kan ni t<r a ni a, miten kan nun an hmuha kan bula awm leh kan thusawi an ngaihven reng theihna t<r chuan kan nun kan uluk a ngai \hin.

Rawngb^wltute hi thil lian thama kan inv>n theih laiin thil t> tham, sual anga lang l>m lo, kan nun tichhe thei lakah tl^wm a awl hl>. Thil lian laka inv>n a pawimawh tluk zetin thil t> tak lakah pawh kan fihlim a ngai. Isua tana thi ngam hi Isua tana nung ngam lo a awm theih ania.

Rawngb^wltu chu belhchian d^wl, fiah zo kan nih a pawimawh. Miten min belh hnai zawh poh leh kan rimtuina a chiang t<r a ni. Lehkhabu k^wm nalh tak, a chh<ng thu ho deuh ang kan ni ang tih a hlauhawm hl>. Kan nun hi mite’n a chhe zawnga ‘Rawngb^wltu si’ ti lova, a \ha zawnga ‘Rawngb^wltu a nia,’ an tih theih hunah awmze neiin mi thinlungah thu kan sawi thei ang.

Lal Isua pawm tl^k rawngb^wlna:

Lal Isua pawm tl^ka rawngb^wltu chuan Isua l^wmz^wng leh ropuina chauh thlirin rawng an b^wl a. Isuan an t^na a tihsak ropui zia an ngaihtuahin an thawh f> hn<ah pawh ‘Bawih \hahnem lo ka ni,’ an ti \hin. Keini hian eng ang rilru p<in nge rawng kan b^wl v>. Mahni l^wm nan mai nge, mahni tlin t^wk leh peih chinah? Lal Isua lawm tl^ka rawngb^wlte chuan fakna an beisei lo va, miten an tih leh tih lohvah an innghat lo va, chawimawi ph<tin rawng an bawl lo va, an beisei anga thil a thlen lohvin an vui hek lo. Mihring chawimawina aiin Pathian chawimawi, mihring induhsakna av^nga chanvo \ha aiin Pathian p>k rawngb^wlna hi a hlu zawk.

Lal Isua pawm tl^k lohva rawngb^wltu rual chuan l^wmman hmuh beisei takin, ‘Lalpa, i hmingin th<te kan sawiin, i hmingin ramhuaite kan hnawtchhuakin, i hmingin thil mak tam tak kan ti \hin,’ an ti a. Isua erawh chuan, ‘Ka hre ngai lo va che u,’ (Mat 7:22f) a ti. Isua hming vekin an ti a, an thiltih hi a ropui tehlul n>n. Isua a l^wm tlat lo va, an rawngb^wlna a pawm hek lo. H>ngho hian Isua ropui nan an ti lo va, Isua hming lam chungin mahni ropuina leh mite chawimawina an kh>l a, ti\ha an inti a, an thawhchhuah an chhuang a, an chapopui bawk. Programme hlen chhuak rawngb^wltu mai ni lova, Isua hriatpui rawngb^wlna hlen hi a pawimwh.

Thawh tam leh tl>m aiin thawh d^n dik:

Kan rawngb^wlnaah hian thawh tam leh thawh hl^wk hi a \ha ngei a; mahse, thawh tam emaw, thawh tl>m emaw ai chuan Isua pawm tl^ka thawh hi a pawimawh ber. Hah tak si, rim tak si, ch^n v> \euh si hian kan rawngb^wlna hi chunglam ‘Amen’ pui tl^k loh a ni ang tih a hlauhawm a ni. Francis Ridley chuan rim taka rawng a lo b^wl tawhna chu a chh<ang ru hl> a. Chutihlai chuan German rama Pastor Quarters pakhata Isua Kraws-a an khengbet lai a hmuh chuan a rilru a la ta riau va, a en vang vang a, a insit ta hl> mai a, mahni inhl^n tharin ‘Nunna hi Lalpa ka p>,’ tih hl^ hi a lo phuah ta a ni.

Thawh d^n dika thawk chuan a thawh chinah Pathian inrawlhna a hmu a, a hlim \hin. Mahni mawina’n \hahnem a ngai fal lo va, a inthlahdah lo va, Lalpa duhzawng a nih av^ng erawh chuan \hahnem ngai takin rawng a b^wl mai \hin.
Tlangkawmna: Kan t<n lai khawv>lah hian rawngb^wltute hian ngaihtuahna tak tak kan s>n a hun hl>. V^nram kai t<ra chhandam kan ni mai lo va, Rawngb^wl t<rin min chhandam a ni. Pathian hian damin emaw, na chungin emaw, thihna hmangin emaw min hmang duh a. Sualin kan chh<ngkua, kan khawtlang leh ram min r<n m>k lai hian \an l^k a hun hl>. Thlarau lama tuih^l ten an mamawh tak an hmuh theih na’n leh awmze neia rawng kan b^wl z>l theih na’n leh ‘Bawih \ha leh rinawm, i ti\ha e, i pu l^wmnaah chuan l<t rawh,’ ti a fakna kan dawn theih ngei-na t<rin kan rawngbawlna hi a neitu duh d^nin i hlen chhuak ang u. Amen.

(He thu hi Rev. HL Thianghlima, Pastor, Phullen Pastor Bial ziak, Kristian Thalai Pawl (KTP) Phullen Branch Diamond Jubilee Souvenir ni 25.09.2014 a Souvenir Sub-Committee Phullen Branch KTP ten an published phek 67-na atanga lak chhuah a ni – Buata) 

Advertisements

One thought on “RAWNGBAWL TURA CHHANDAM (Eph. 2:10)

  1. vanlalthlana October 8, 2015 at 1:18 am Reply

    chhiar a manhla talzet zet e, pathian mal a sawm ngei pawh ka ring. a ropui hle mai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: