Biak In thar tur sak a ni:

Rev. HL Thianghlima, Phullen Pastor Bial

Rev. HL Thianghlima, Phullen Pastor Bial

Keini Phullen Kohhran chuan Biak In thar neih ve kan chak hle thin a. Mahse thil awlai tak a ni si lo, Biak In thar kan sa ve thei dawn a ni chuan tunlai thiamna leh hmanraw tha zawk, tlo leh nalh tak a sak ve kan duh hle a. Chutiang taka sa chhuak tur chuan mithiam Architect emaw Engineer emaw rawih a ngai thin a, mahse keini thingtlang a Kohhran tan chuan Architect leh Engineer rawih chu duh viau mah ila, sum indaih lohna a nasa bawk si; dik tak chuan Mithiam rawihna chu sawi loh, a Biak In sakna tura hmanraw mamawh leina tur takngial pawh neih lawk awm lo, puk chawp turte a ni si a, mihring taka chhut chuan huphurhawm tak a ni.

Phullen Kohhran Biak In thar tur. Design by Rev. HL Thianghlima

Phullen Kohhran Biak In thar tur. Design by Rev. HL Thianghlima

Chutiang chu nimahse, Pathian engkim titheia chuan amite mamawh a hria a, a Kohhran te baihvai taka an awm chu a phal ngai lo.! Kan mamawh hunah tak Pastor themthiam tak, mitthiam leh mi inpe, thlarau lamah leh khawvel thiamna lamah pawh mithiam tling pha, mi inngaitlawm Pathian mi tak mai, Biak In sakna lawmah pawh tawnhriat tam tak lo nei tawh Pathianin min pe a, chu chu tuna Phullen Pastor Bial vawng mek tu Rev.HL Thianghlima hi a ni. Ani hian tunlai thiamna changkang tak In sakna atana hman chi Software tha tak mai chu a hmang thiam hle a, tun hma pawhin Biak In leh mimal In te pawh a mamawhte chu a lo design sak tawh thin a. He kan Bial In thar tur pawh hi, Bialtu Pastor, Kohhran neitu a nih angin, a kaihhruaina hnuaiah sak a ni ta a ni.

IMG-20150311-WA0006 copy

Phullen Kohhran Biak In tur 2015

Kan Pastor, Presbyterian Kohhran, Phullen Pastor Bial vawngtu Rev.HL Thianghlima hian Phullen Kohhran Biak In thar tur hi a design a ni satliah lo va, kawng engkimah hma a hruai a, a ngaihtuah hah ngai zawng zawng a chhut chhuak vek a, a tha thei ang ber turin a kaihhruaina hnuaiah fel fai takin, Kohhran mipui ten phur takin an sa mek a ni. Hetiang taka mi inpe, mi taima leh remhria Pastor kan nei hi kan vannei tak zet, sum a lei tur emaw Engineer rawih tur emaw ni ta se, kan va seng hnem.dawn tak em.! Lalpa kan.lawm e tih mai loh chu sawi tur kan nei lo.

Kan thu hi tisalam thil angin lang mahse Thlarau lamah nen a inzawm tlat a mi. He Biak In sak chhung hian Pathian Thlarau Thianghlim chuan nasa takin min awmpui a, Kohhran mipuiten phur takin kan sa a. A thawk tam leh insengso nada apiang an hlim a, an phur a, Pathianah an lawm a. An in senso avanga inchhung khawsak lam tlakbal phah an awm ngai lo. Kan taksa hah viau mahse Biak In chhung boruak leh inkhawm te pawh trum dang aimahin kan hlim a, kan phur zawkin a hriat a, Fianrial Tawngta, Bethel te pawh an awm reng a, Kohhran a hlim a, Thlarau Thianghlimi. min awmpui vang a ni tih loh rual a ni lo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: