PHULLEN – THLARAUTHIANGHLIM KHAWPUI

Ziaktu – P.K. Lalsangliana.
(Sanga Khalthang)

PK Sanga

PK Lalsangliana

Kan khua Phullen hi a hming atang ringawt pawh hian a ropui hmel ti rawh u.! Ni e, a dik a ni, thlarauthianghlim lo thlenna hmasa, Kristianna lo luhna hmasa, Martar awmna hmasa a ni. Chumai bakah riangvai Thangteekan lu nghah nana a thlan hmun (khua) a ni.

Ni e, kan khua Phullen hi a chunga kan sawi zawng zawng thlenna hmun a ni. A ropuiin chhuan pawh a chhuanawm narawh e. Hun liam tawh leh mual liam tawh, history ropui tak hi kan sawi vul chuk a, sawi vul tlak pawh a ni reng a ni. Mahse, hetiang taka thlarauthianghlim hnathawh dawng tawh thin e ti lo chuan kan tunhun hmanlai hian kan history hi a thaichhe vek mai ang tih ava hlauhawm tak em.! Kan pi leh pu, kan Kristian hmasa te tih that vanga chhandamna chang tur lah kan ni der silo.

Hetiang khawpa sulhnu nei ropui si hi engvanga thlarau ah leh tisa lam zawn ah pawh, a bet reng leh thuanawp reng kan nih mai le? Kan tun hun sawi vul tur a awm hiau si lo! Hawh u, kan history ringawt sawi hi bansan ila, tun hunah hian ropuina Lal chu kan nunah theuh leh Kohhran leh khawtlangah i chawi vul thar leh ang u. Kan mihuai kal hmasate hnung zuiin thlarauthianghlim hian par rawn chhuang leh se, Thlarauthianghlim zalenna khua lo ni leh se, chu chu thang leh thar ten chawi nung leh turin tran ila ang u.

Tun dinhmunah hi chuan, thlarauthianghlim thlenna hmasa a nihna hi, khualkhua ami te min hmuh pui leh hriat pui tur hi a awm lo ang tih ava hlauhawm em!. Kan history kan chhuang a, kan sawi vul chuk a, a rah chhuah hmuh tur ava awm silo em! Kawng engkimah kan bet a, changkanna kawngah lah kan history en chuan tiang ngawt tur chu a ni lo. Kan in en fiah ava ngai tehlul em!

Thlarauthianghlim hian kan history a min hruai luh leh chakin min tur ut ut ni berin alang, mahse a dawngtu lam hian duhtawk chin neiin kan dah zalen ngamlo te hi a ni mai lo maw.? Thlarauthianghlim hian a hmun rawn luah lum leh tumin naupang leh tleirawl zawk hmanga puitling zawkte hi min khaichhuah a tum hi a ang ka ti thin. Puitling zawkte lah chuan kan Uipui tuilian thlir dauh dauh ringawt mai si.

Hawh u Puithiam rinawm lo anga a tha lam kawng ngil leh bumboh in kawh hmuh zeta, a phên a malsawmna dawn tum mai lo in, Lalpa duhdân ang ngeia thlarauthianghlim dawngsawng tur leh a hruaia awm turin i in pe(surrender) zawk ang u.Tichuan kan history aia ropuiah min hung ngei ang.


(He thuziak hi PK Lalsanglianan Whatsapp Phullen Group ah ni 28.6.2015 a a post a ni a. A tha ka ti em a, a ziaktu phalna in a Grammar leh tawngkam thenkhat te chulmam deuh hretin hetah hian dah a ni. – Buata Bawihtlung)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: