Krismas tak tak i thleng ang u

– Upa Laltharzela, Chairman, Phullen Kohhran
“Tunah Bethlehem khaw thlengin kal ila, Lalpa’n thu min hrilh lo thleng chu i en ang u”. Luka 2 : 15

A hmasain Kohhran Inleng Editorial Board-in Krismas thuchah ziak tura min sawm avangin lawmthu ka sawi a ni.

Khawvel thil thleng, hunbi nei zingah Krismas aia lar leh mi hip leh mi a hrut rual hi a awm awm lo ve. Hmun \henkhatah phei chuan kristian ni lo hlei hlei hian an uar. Mahse, heng mite hian a chhan leh a dinhmun an hriat loh avangin a phawvuak hi an lo hlimpui ve em em ringawt a lo ni. Pian champha mai ni lo, lei leh van inremna a nih avangin a hlimawm a, anchhe thihpuite nunna bul a nih avangin a hlu a, mi tin ta tur Chanchin |ha thlenna a nih avangin a ngaihnawm bawk a ni. Hei vang hian a hlutna man fuh lo va inhman ral mai i hlau ang u. Hla siamtuin “Kan tum ram chu i pan zel ang” a tih kha. Chhang nung lo piang, van thleng, van chaw khawrh chu kan ei theih nan, nunna Lal chu hmu fiah turin Amah chibai buk turin i inbuatsaih \heuh ang u.

Kan Bible-in a tarlan ang hian heng mite hian Krismas tak an hman dan hi i lo zir leh ang u:
1. Beram pute : Anni hi ni tin ran rual zinga awm an nih avangin sakhaw serh leh sang an ti ve thei lo va, mi bawlhhlawha ngaih an ni a, hmuhsitawm an ni a, thil reng reng ‘Ka ta’ ti ve phak lo-ah ngaih an ni. Thu buai pawh nei ve dawn se rorelna court thleng pha lo va ngaih an ni. Heng mite hnenah hian Vantirhkohvin Nausen puana tuam, ran chaw pekna thlenga mu, mi tin tana Chanchin |ha thlenna tur chu chibai buk tura kal turin hriattirna an dawn angin kal delh delh lovin an kal thuai thuai a, ran chaw pekna thlenga Nausen (Isua) mu leh a nu Mari leh a pa Josefa an va hmu a, saruaka kal kha hmuh tur dik an hmuh avangin Pathian chawimawi leh fak chung zelin an haw leh a ni. Sawi zui tur a tam, mahse tawk leh phawt teh se.
2. Mi fingte : Puithiam chi niin sawi an ni a, anni hi thilpek tur rohlu nen an thawk thung. Mi fingte tih takah an finna leh an hriat dan hmangin an chhui a, Heroda inah an hlawhchham phawt a, theologian an ruai leh a, Pathian thu an dawn belh chinah an hlawhtling chauh a ni. Pathian thu an dawnnaah hian hmelma thurawn an dawng tel a, mahse an tum anga Nausen Isua chibai an buk hnuah inlarna an dawn belh leh a, Heroda pumpelh a Isua humhim zawngin an kir leh a ni. An thilpek tur rohlu an kente chu:

i) Rangkachak – Hei hian Isua lalna leh ropuina a entir.
ii) Beraw – Hei hian Isua chu a Pathianna a entir.
iii) Mura – Hei hian Isua mihrinna leh a tuar tur zia a entir.

A hmingah ‘Remna Lal’ ti a an sak ang ngeiin, a kalna apiangah miten remna thuchah an puang zel a, lei lam a pan zanin, van miten ‘Mihringte hnenah remthu leng rawh se’ an ti a, van lam a pan dawnin leia miten ‘Vanah remthu leng sela’ an ti bawk a ni.

Lalpa’n a thute kan za atan malsawm rawh se.

  • Source – Kohhran Inleng Krismas 2015 Special Issue
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: