Author Archives: PhullenKohhran

LALPA AWMPUINA LEH THLAMUANNA

By: Chawnglianthuama – Missionary

 

Mizo National Front rammute zinga ka tel ve hnu kum khat leh a chanve velah chuan Phullen Prebyterian Kohhran Biak Inah Nilai zan inkhawmna a thusawi turin ruat ka ni a. Zan inkhawm dar rik tawh hnuah chuan Suangpuilawn lam atangin India sipai Phullen khuaah an lo lut dawn tih Phullen Village Council Member pakhat chuan min rawn hrilh a. Ani duh dan chuan ramhnuai lamah insaseng ila a that a ring a.

Presbyterian Biak In bul lawk chu Pu Awksarala Sailo Phullen Lal huan a ni a. Ani a thih hnuah pawh a huan chu, Lal Huan Tlang’ tih a nit a reng a. Lal Huan Tlang chhipah chuan India sipai Phullen khuaa an lo kal apianga an awmna tur Camp sak a ni a. Ka nupui, Lalringliani hnenah chuan, ‘Engtin nge ni dawn?’ tiin ka zawt a. Pahtian Kohhranin a lo ruat tawh chu phatsan lovin thu chu sawi ngei turin min duh thu a sawi a. Kan fanu upa ber, Vanlalmuani chu kum khat pawh a la tling lo deuh a. Biak Ina inkhawm tur chuan kan inseam ta a. ‘Khawtlang hruaitute duh dan chu a ni si lova,’ tiin ka ngaihtuah neuh neuh a. Ka nupuiin Pathian thu sawi ngei tura min duhna chu a nemnghehna atan, ‘Malin ka awm lawng,; I hnenah ka awm; Amam min awmpui a tiam si; Mahriakin ka awm ngai  lawng’ (KHB 435) tih hla hian Pathian chuan min rawn thlamuan ta a.

 

Biak In panna kawngah chuan ka ngaihtuah chhunzawm ta zel a. Biak In Pulpit-a ka lawn hnu, Bible ka chhiar zo chiah tihah chuan India Sipai Suangpuilawn atanga lo kalte chuan an Camp, Lal Huan Tlanga mi chu an rawn thleng ve chiah a. Biak In Chawkidar chuan Inkhawm Chairman Upa Thangdailova chu a rawn hril a. Chairman chuan mi rawn hrilh leh chhawng a. Mipui inkhawmte chu an che sup sup a. Thu chu sawi lovin Pulpit atang chuan chhuk mai ila min duh tih chu a hriat theih a.

 

Nimahsela Pulpit atanga chhuk chu ka tum lova, Pathian thu sawi ngei chu ka rilruah a len zawk avangin ka chjhunzawm ta zel a. Nilai zan atana ka lo inbuatsaih pawh chu sawi lovin Pathian Hla atanga Pathianin min hriattir lam chu ka sawi ta zawk a. “Khawvel lam thil ngawta ka’n ngaihtuah chuan Ram Buai hi kan chhiatpui nasa tawh fa. Sipai nun a rawng a, an silai a hlauhawm a; mahni hna thawk thei lovin puak phurh leh vuak, thih hlauhawm karah kana wm mek lai pawhin Thlarau nena inpawl reng mite hnenah chuan Lalpan thu a sawi zel dawn a ni..” tiin ka sawi ta zawk a. Inkhawm banah chuan, ka nupuiin, ‘I thusawi lai khan sipaiin rawn man che mah sela Pathian thu sawi tura Kohhranin a ruat tlansan ai chuan a tha zawk reng reng..” a ti nghe nghe  a.

 

Inkhawm banah chuan thian thenkhatte chu kan inah an lo lut  hlawm a. ‘Zanina I thusawi chu..” an rawn ti nak nak hlawm a. Mi thenkhatte chuan India sipaiin mi man ang tih hlauh avangin thusawi chu an lo ngaithla hlei thei lova. Mi thenkhatte erawh chuan “Kan boruak tawn lai mek atan a va tul ve,” an ti bawk a. A ni the tak e, tuarna leh harsatna inang theuh theuhah hian kan chhiatpui emaw kan tulpui emaw a la nize dawn e.

 

Hmatiang hmuh lawk loh kawng,
Hlauhawm a hnai thei;
A hnai zawk Chhandamtun,
‘Thlamuang rawh,; min ti.

KTP dan leh hrai

Chhiatni leh thatni a KTP inkaihhruaina dan thenkhat te –

K|P Minute hmuh theih chinah kum 1985 hma lamah chuan chhiat tawk (thihna) awm a nih chuan K|P hmingin Pathianni zing hmasa berah \awng\ai inkhawmna neih pui \hin a ni a, K|P Member chauh nilo Kohhran Member-ah pawh hun hi hman \hin a ni. Dan khatnaa inneite Thuthlung Thar Bu pek \hin a ni bawk. Kum 1982 a\ang chuan Thuthlung Thar a awm loh chuan engemaw Rs. 15/- man aia sang lo pek \hin a ni a, he dan hi kum 1985 thleng hman a ni. Kum 1985-ah inneih ni a K|P in Chawhnu Programme a neih \hin chu tihtawp a ni.

Kum 1986 a\ang chuan Chhiatni / |hatni, ralna / present pekah K|P Member Minute Bu a hming chuangte chauh a huam tawh a ni. Tin, thil man sang zelah ralna / present pek hetiang hian tih san a ni : Kum 1986 – ah Rs. 25/-, 1987-ah Rs. 30/- Kum 1988 hi Minute Bu ah inkaihhruaina a lang lova, ralna / present erawh pek \hin a ni tih Minute Bu a\angin a hmuh theih. Kum 1989 a\anga kum 1992-ah Rs. 40/-a tihsan a ni bawk. Kum 1990 a\ang chuan Dan khatna inneite chawimawina – Par\hi awrh tirte te, K|P Flag zar sakte tih \an a ni a, chhiatni ah ruang chungah thlahna pangpar dah \an a ni bawk. Ralna / Present pek tur hian Phullen khua / Kohhran rinchhan leh lu nghatte chauh a huam. Tin, Dan khatnaa innei inkhawmah zaipawl neih zel tura rel a ni a, kum hmasa lamah pawh an nei \hin niin a lang.

Kum 1993 – 1995 chhungin ralna / present na chu Rs. 50/- aia tam lo, 1996-ah Rs. 60, 1997 a\anga 2002 -ah chuan Rs. 100/- a ni tawh a ni. Kum 1998 a\ang chuan Biak In hawnga inneite Certificate Frame sa pek \an a ni a, K|P Member chhiat tawk (thina) awm a nih chuan vui dawnah zaipawla thlah \hin a ni bawk. YMA hun hman zawh thawh\an zan hmasa berah hun hmanpui \hin niin thawhlawm ken khawm \hin a ni a, khawhar chhungte hnenah ralna atan hlan \hin a ni.

Kum 2002 a\ang chuan Kohhran Member thi an awm a, khawhar lenpui \hin chu tihtawp niin, K|P Member ah chauh khawhar lenpui hi neih \hin tawh a ni. Kum 2003-a Dan thar siam chu K|P Member nilo pawh Biak In hawnga innei chu zaipawl neih sak \hin a ni. Hemi kum a\ang hian kumin 2014 thleng hian he dan hi hman chhunzawm zel ala ni. Kum 2013-ah K|P Committee Member Biak In hawnga inneite Rs. 150 man hu thilpek hlan \hin a ni a, a kum telin apawisa hu tawkin tihsan chhoh hret hret zel a ni.

Committee Member zankhat mitchhin tawk an awmin ralna Rs. 300/- hu bakah sunna thuziak an chhungte pek \hin a ni. Member thi an awmin sunna entir nan K|P Flag a ngul chanve a zar \hin niin ralna hun YMA Programme zawh remchang hmasaah hman \hin ala ni bawk. Hruaitu thlan zana member boralte sunna hun neih \hin chu Kohhran in December ni 31 zana sunna hun a hman tho avangin kum 2007 a\angin tih tawp a ni.

TUMKAU NI A THIL THLENGTE

(He thuziak hi KTP Phullen Pastor Bial Facebook Group a Buata Bawihtlung ziah, lak chhawn a ni e – Admn)

Tumkau Ni a thil thleng langsar zual, Bible atang a kan hmuh thenkhatte –

Tumkau Ni @ Phullen Kohhran

Tumkau Ni @ Phullen Kohhran 2015

Tumkau Ni 2

Tumkauni Phullen Kohhran in a hmang 2015

  1. Isua chuan thilmakte tiin, damlo te a ti dam a. Jeriko khua a Zakaia Ina a thlen hnu chuan Jerusalem panin a (an) kal ta zel a (Luka 19:1-11). Olive tlang lam a kalin, Bethphage leh Bethani khaw lam a tangin Jerusalem chu a lut a. Bethani khuaah hian, Mithi tawh Lazara chu Thlan atangin a kai tho a ni.
  2. Isua chu Jerusalem panin a kal (Luka19:28) – Isua chuan thil mak tam tak a ti a, (Marka 10:32). Mipuite (Judate) chuan amah chu an ring ta a, a Zirtirte chauh ni lo, mipuite thahnemtakin an zui a. Kum 2000 chuang a liam hnuah hian Isua zuitute zingah kan tel ve em?
  3. Isuan a Thih tur thu a sawi  (Marka 10:33) – Jerusalam-ah Puithiam lalte leh Lehkhaziaktute hnenah mantirin a awm anga, Thi turin a chungthu an reltlu anga, Jentailte hnenah an hlan ang. Anni chuan nuihza siamnan an hmang anga, Chil an chhak anga, an vua anga, a tihlum ang tiin a zirtirte a hrilh.
  4. Isuan a thawhleh tur a sawi lawk (Marka 10:34, Matt 20:17): Hemi ni hian Isuan, a thih hnu Ni thum chinah a tho leh ang tiin a zirtirte hnenah a sawi lawk.
  5. Mitdel Mit a ti var (Matt 20:29) (Marka 10:52) – Jerusalem a panna kawngah Jeriko khua atanga an chhuah leh lai takin Kutdawh mitdel, Timaia fapa chuan Isua a rawn pana, “Rabboni, hmuh theih ka duh,” a ti a, tichuan Isuan a mit a tih var sak ta a. Mitdel kutdawh hian Rabboni hmuh theih chiah a duh a, a dil a ni. Keini ni hian engte nge kan duh a, kan dil ve le?
  6. Isua Sabengtungah a chuang (Marka 11:1-7) (Matt 21:1-7) – Olive Tlang a Bethphage leh Bethani khaw kiangah Zirtir 2 te a tir a, Sabengtung, la turin a tir a, Sabengtung no, tuma la chuanna ngailoh ah chuangin Jerusalem panin a kal ta a ni. Sakawr hi Indona chhinchhiahnan a hman a ni a, Sabengtung hi remna chhinchhiahna a ni thung.
  7. Isuan Lal a ni tih a sawi (Matt 21: 3) (Marka 11:3) – A zirtir 2 te Sabengtung la tura a tirh khan, miten “Kha kha engah nge in tih” tia an lo zawh cheu chuan, LALPA in a duh a ni ti ang che u a ti a ni. Isua hi Lal-ah kan pawm ve em?
  8. Mipuiten Ropui takin Isua an lo lawm (Matt 21:8 -9): Jerusalem a panna kawngah chuan ropuitakin mipuiten an lo lawm a, “Davida fapa hnenah Hosanna! Lalpa hminga lo kal chu fakin awm rawh se, Chungnung berah khian Hosana!” tiin an lo lawm a ni. Keini hian engtin nge kan lo hmuah ve le?
  9. Isuan Jerusalem a tah (Luka 19:44) – Jerusalem a luh dawn lai chuan, Jerusalem khua chu a tlir a, Isua chu a tap ta a. Isua kha ropui taka lawm a nih lai khan a tap tlat. Kan zingah lo kal ve ta se, kan rinawmlohzia a hmuh lawk vang hian Isua hi a tap ve mai ang em le?
  10. Isuan Temple a tlawh (Matt 21:12) (Luka 19:45) (Marka 11:11)– Isua chuan Biakina Englo zuartute leh leitute zawng zawng chu a hnawtchhuak a, dawhkante leh thuthlengte chu a namtlu a, “ ‘Ka In chu Tawngtaina In an ti ang,’ tih ziak a ni; nangni erawh chuan suamhmangte pukah in siam sawk thin a ni,” (Matt 21:12) a ti a. Keini hian kan Pathian Biakin hi engtin nge kan hman ve le? Isuan thenfai ngai a ti ve an gem?
  11. Isuan Thilmak a ti (Matt 21:14) – Isuan Temple-ah thilmak tam tak a ti a, Mitdel leh Kebai a ti dam. Kan Pathian Biakin chhung hi damlo – Kebai, mitdel te tan damna a ni a; kan damna turin Biakin (Isuan Ka In a ti – Matt 21:12) ah Isua kan pan ve ngai em?
  12. Naupangten Isua an chawimawi (Matt 21:15) – Temple-ah hian Naupangten te chuan Pathian an chawimawi a, ‘Davida fapa Hosanna’ tiin an au rual. Heng naupangte au rualtir tute hi Puithiam lalte kha an ni lo tih a chiang a (Matt 21:16). Keini hunah nise, Kohhran Upate, Pastor te au tir an ni lo tihna a nia, mahse, Isua chu Lal a ni a, HOSANA tiin Keini Puitling te hian, vawiin hian engnge kan tih ve le?
  13. Puithiam lalte leh Lehkhaziaktute an lungawi lo (Matt 21: 15) – Isuan thil mak a tih avangte, leh naupang te amah faka an au avangin Puithiam lalte, lehkhaziaktute an lungawi lo a. An aia ropui Isua kha an itsik a. Keini hian Isua hi kan aia ropui turin, dinhmun pawimawh a din tirin, keimahni kan in phah hniam phal ve em le?

Jerusalema Isua lal anga a luh hian, mi tam takin an lo lawm a. Puithiam lalte leh mi ropui tak tak te, Isua lo lawm ve lo te pawh an awm bawk. Judate chuan Isua (Messia) chu Indona a lal, hmelhmate lak ata chhandamtu ni turin an beisei tlat thin. Mahse an beisei ang ni lovin Isua (Messia) chu Sabengtung chunga chuangin a lo kal ta zawk si a. An rilru in beisei dan leh duh dan, leh tum dan an lo neih lawk tlat avangin, Messia an beisei ber pawh chu an hmu fiah ve thei ta lo.

Keini pawh hian Engtin nge Isua (Messia) hi kan lo beisei le. Kan duhdan leh tumdan, kan mamawhna zawna tanpuitu leh hrehawmna ata min chhanchhuaktu atan ringawta kan beisei chuan, Judate ang hian kan beisei thlawn anga, Vawiinah Ropui takin Lal angin lo lut mahse, kan hmufiah ve thei dawn lo a ni.

THUAWIHNA NUN NEI TURIN ABRAHAMA I ZIR ANG U

(He thu hi Buata Bawihtlung ziah a ni a, KTP Phullen Pastor Bial Facebook Group atanga lak chhawn a ni)

Tin, ani(Abrahama) chuan Lalpa chu a ring a; tichuan, ani chuan chuchu a felnaah a ruat ta a.” Genesis 15:6

Pathianin Abrahama chu “I khaw lam ata leh i laichinteho zing ata leh i pa in ata chhuak la, ram ka la entir tur che lamah kal rawh. Tichuan, chi ropui takah ka siam ang che.. ” a ti a.

Tichuan Abrama chu Lalpan a hnena  a sawi angin a kal ta a. Kha khua, a inbenbelna khua, a tlangnelna hmun, rual a pawl ve na khua, nuam leh hlim taka a laichinte nena a awmna khua HARAN-ah khan khawtlangah pawh nihna ropui te pawh a chelh ve ngei ang. Mahse, Lalpa thu hnial lovin, a mimal leh chhungte nena an nawmsakna tur thlir mai lovin Lalpa thu awihin Haran khua atang chuan a chguakta a nih kha.

Khatia a chhuahlai khan kum 75 zet a nih tawh si a, Lalpan “Chi ropui takah ka siam ang che” a tih te kha awih  a har duh dawn tehlul nen. Mahse Abrahama chuan a Pathian thu chu a awih mai.

Tin, ‘Mal ka sawm ang che a, i hming ka ti ropui bawk ang…’, ….  ‘He ram hi i thlahte hnenah ka la pe ang….’  tia Lalpan a tiam hnu lawkah, nasa takin  tam a tla a,  Aigupta rama awmrih tura kal hial a ngai ta, Aigupta Lal chuan a nupui SARAII chu a lo chhuhsak lehnghal. Pathian chu rinhlelh rum rum awl tak tur a ni.

A kianga kal ve, a nau fapa LOTA nenchuan ranrualte an ngah tak avangin awm dunna turin hmunhmain a daih ta lo a. An ran pute an in hmuthiamlo ta a. Chutah chuan Abrahama chuan, “Khawngaihtakin nang leh kei a karah, I ran pute leh ka ran pute karah pawh inhnialna awm suh se; unau kan ni si a… Khawngaih takin ka hnen ata hi intihrang mai rawh. Nang vei lama I kal chuan kei dinglamah  ka kal ang a; a nihlih leh nang dinglama i kal chuan kei vei lamah ka kal ang e,” a ti a.

Tichuan Lota chuan Jordan phaizawl zawng zawng chu a thlang ta a. Abrahama chu Kanan ah chuan a awm ta a. Amah zui ve tu Lota laka a rilru that zia te hi a ropui ngawt mai. Pathianin maksawm a tiam a, ram pek a tiam a, chi ropui tak nih a tiam mek lai hian He Jordan phai ruam, ram tha hi chu ka ta tur a niang tih mai awl awm tak, mahse Lota a kian thei a ni. Lalpa a Pathian chu KANAAN ramah pawh malsawmna pe theitu Pathian a ni tih a hrechianga, Inhmun leh ram ropuina aiin Pathianah a in nghat zawk a ni. A va ropui em!.

Chung zawng zawng thlen hnuah pawh chuan Chi ropui tak nitura Pathianin a hrilh Abrahama chuan Fa ala nei chuang lo. Pathian chuan “Van khi en la, Arsite khi i chhiar theih chuan chhiar teh khai, i thlahte chu khiti zat khi an la ni ang,” a ti a. Tin, ANI CHUAN CHU CHU A RING A; TICHUAN, ANI CHUAN CHUCHU A FELNAAH A RUAT TA A.

Pathianin “I nupui Saraii chu mak ka sawm anga, ama lakah chuan fapa ka pe ang che…” atih lai khan Abrahama te nupa chu upa tawh tak an ni a. Saraii phei chu Lei Mihring danah nau nei thei tawhlo tura ngaih (Menopause pel tawh) a ni daih tawh a ni.

Tichuan Lalpa thu chu an awih a, Abrahama pawh kum 100 hial a nih kum chuan, Sari chuan fapa ISAAKA a hrinsak ta a ni. Fa nei thei tawhlo anga ngaih Sari pawh Pathisn chuan fa a pai tir a, a thu tiam a hlen ta a ni. Pathian thu tiam an va nghakrei thei tak em!

He a fapa, a duh em em, kum tamtak hnua a neih hi Pathian chuan a hnena hlan turin a ti a. Abrahama chu a fapa nen chuan an kal ta a,  a chhiahhlawhte hnenah “Hetah lo awm rawh U, kei leh naupang hi sawtah sawn kan va kal anga; tin, Pathian kan va bia ang e..” a ti a ni.

A fapa duhlai hlan turin a kala, vuina leh lungawilohna lan tir mai lovin a kal mai a. PATHIAN KAN VA BIA ANG E a la ti zawk a ni.

Pathian a hrechianga, fapa petu pawh amah a ni tih a hria a, a thu a zawm thei mai a ni.

Kan Pathian hi belchiangin, hrechiang ve ila, a thu kan zawm ve thei ang a, CHU KAN THU AWIHNA CHU, KAN FELNAAH RUATSAK KAN NI VE MAHNA.

Phullen Kohhran Biak In sak hnatlang (II)

Biak In sak hnatlang thlalak thenkhat te –  Date of Collection 19.06.2015

IMG-20150119-WA0009 copy

IMG-20150127-WA0009 copy  IMG-20150127-WA0015 copy

IMG-20150130-WA0013 copy  IMG-20150130-WA0014 copy

IMG-20150206-WA0005 copy  IMG-20150206-WA0007 copy

IMG-20150206-WA0008 copy  IMG-20150206-WA0009 copy

IMG-20150206-WA0011 copy  IMG-20150206-WA0012 copy

IMG-20150207-WA0014

Biak In Sak Hnatlang Thlalak

Phullen Kohhran Biak In sak hnatlang thlalak dahkhawm – Lakkhawm ni 19.06.2015 – by Buata Bawihtlung

IMG-20150311-WA0006 copy

Phullen Kohhran Biak In tur sak mek 2015

Phullen Kohhran BiaK In 2015

Phullen Kohhran Biak In tur sak mek 2015

Phullen Kohhran Biak In tur - 2015

Phullen Kohhran Biak In tur sak mek 2015

IMG-20150518-WA0016 copy

Phullen Kohhran Biak In sak hnatlang 2015

IMG-20150404-WA0007 copy

Phullen Kohhran Biak In sak hnatlang 2015

IMG-20150214-WA0010 copy

Phullen Kohhran Biak In sak hnatlang 2015

IMG-20150207-WA0028 copy

Phullen Kohhran Biak In sak hnatlang 2015

IMG-20150207-WA0018 copy

Phullen Kohhran Biak In sak hnatlang 2015

IMG-20150207-WA0024 copy

Phullen Kohhran Biak In sak hnatlang 2015

IMG-20150207-WA0026 copy

Phullen Kohhran Biak In sak hnatlang 2015

KTP Phullen Pastor Bial Conference 2015

KTP Phullen Pastor Bial Conference 2015. Speaker Rev. J. Remsiama, Central KTP Leader

KTP Phullen Pastor Bial Conference 2015. Speaker Rev. J. Remsiama, Central KTP Leader